თუშური სიმღერის მასტერკლასი ალავერდის ეპარქიასთან არსებულ სკოლაში
ფოლკლორის სახლი-ს მგალობელ მომღერალთა გუნდისა და ალავერდის ეპარქიათან არსებული წმინდა ბიძინა, შალვა და ელიზბარის სახელობის ზ/ს სკოლის მგალობელ-მომღერალთა გუნდ „ახალნერგს“ შორის გამართული შემოქმედებითი შეხვედრის შემდეგ ჩვენს სარეპეტიციოში საუბარი არ წყდება… 
ყველა იხსენებს საკუთარ ემოციას, საკუთარ პატარა აღმოჩენას, ახალ მეგობრობას 
ზოგი მუსიკალურ დეტალებზე მსჯელობს, ზოგი – იმ სითბოზე, რომელმაც ეს დღე განსაკუთრებულად დაამახსოვრა 
ამ შეხვედრამ კიდევ ერთხელ დაგვანახვა, რამდენად აუცილებელია ასეთი ცოცხალი კომუნიკაციები ბავშვებისა და ახალგაზრდებისთვის 
ანალიზისა და გააზრების შემდეგ კიდევ უფრო გამოიკვეთა ამ დღის მნიშვნელობა — მსგავსი შეხვედრები მხოლოდ გამოცდილებას კი არ გვაძლევს, ცალსახად აძლიერებს ურთიერთობებს, აყალიბებს ჯანსაღ გარემოს და გვახსენებს, რომ კულტურა მაშინ ცოცხლობს, როცა მას ერთად ვქმნით 
გარემოს გაჯანსაღება ხომ სწორედ ჯანსაღ ურთიერთობებსა და გულწრფელ დიალოგზე დგას 
და ალბათ, არსებობისთვის მნიშვნელოვანი ის ლამაზი ამბებია, რომლებსაც ვაგროვებთ და ვინახავთ. ეს დღეც ერთ-ერთი ასეთი ამბავია 
მადლობა ამ დღის შემქმნელებს
მადლობა მასპინძლობისთვის ალავერდის ეპარქიასთან არსებული წმინდა ბიძინა, შალვა და ელიზბარის სახელობის ზ/ს სკოლის დირექტორს ქალბატონ თეა მახათელაშვილს.
ახალნერგის ხელმძღვანელებს: ნატალია ივანიშილს, თათია დარსანიას – მადლობა მეგობრობისთვის 
განსაკუთრებული მადლობა მეუფე დავითს ჩვენთვის საჩუქრების გამოგზავნისთვის